As xogadoras do Deportivo ABANCA B Carlota Sánchez e Laura Rivas participan en Santiago de Compostela coa selección galega sub-17 na Segunda Fase do Campionato de España de seleccións autonómicas.
As rivais das galegas por unha praza na Fase Final son Castela A Mancha e Aragón.
Hoxe, coas dúas futbolistas branquiazuis no once inicial, houbo empate (2-2) nun partido disputado e con alternativas no marcador.
Mañá domingo, Galicia acaba esta fase contra Aragón, ás 12:30 en Santa Isabel.
O calendario de Galicia, cos resultados dos xa xogados, é o seguinte:
Sábado 9 de febreiro
GALICIA 2 - CASTELA A MANCHA 2
Domingo 10 de febreiro
12:30: ARAGÓN - GALICIA, en Santa Isabel
