Catro sesións no Dépor para preparar a visita ao Real Valladolid Promesas
O Dépor preparará desde mañá martes con catro adestramentos a próxima cita ligueira, o sábado 21 de maio ás 18:30 (Footters e Fuchs-Sports), en horario unificado, ante o Real Valladolid Promesas no Anexo ao Estadio José Zorrilla. Será a 37ª xornada, penúltima, na liga.
Os resultados da fin de semana deixaron ao equipo deportivista segundo na táboa con 71 puntos, a 5 puntos de vantaxe do Racing de Ferrol, terceiro con 66; e todo iso con 6 puntos en xogo até o final.
Todos os adestramentos serán matinais en Abegondo e un deles, o do venres 20, terá lugar en ABANCA-RIAZOR a porta pechada, xusto antes de emprender viaxe en autocar a Valladolid.
Cada vez que haxa actividade na Cidade Deportiva, o cadro reunirase para almorzar nas instalacións habilitadas a tal fin.
A planificación semanal, sempre susceptible de sufrir variación por razóns técnicas, é a seguinte:
Martes 17 de maio 10:30 h., en Abegondo
Mércores 18 de maio 10:30 h., en Abegondo
Xoves 19 de maio 10:30 h., en Abegondo
Venres 20 de maio 10:30 h., en ABANCA-RIAZOR (a porta pechada)
Sábado 21 de maio 18:30: Real Valladolid Promesas - Deportivo, no Anexo ao Estadio José Zorrilla