O dianteiro deportivista Christian Santos foi convocado pola Selección de Venezuela para dous partidos amigables o próximo mes de setembro.
A 'Vinotinto' terá como rivais a dous conxuntos mundialistas: Colombia o venres 7 de setembro (20:30, hora local) no Hard Rock Stadium de Miami; e Panamá o martes 11 (21:00, hora local) no Estadio Rommel Fernández de Cidade de Panamá.
Christian Santos debe incorporarse á concentración en Miami (Estados Unidos) o luns 3 de setembro, xusto despois do partido que o Dépor disputará no Heliodoro Rodríguez López de Tenerife, pertencente á 3ª xornada de LaLiga 1|2|3, o sábado 1 de setembro (20:30, LaLiga 1|2|3 TV).
O ariete branquiazul perderase por este motivo o debut no Estadio ABANCA-RIAZOR ante o Sporting de Gijón (domingo 9 de setembro ás 20:45, Movistar Partidazo) da xornada 4ª; e o partido de Copa do Rei en Zaragoza do mércores 12 de setembro (21:00 horas, Gol), correspondente á segunda eliminatoria.
Actualmente, Christian Santos recupérase dunha lesión de grao 1 no sóleo da súa perna esquerda.
Os Servizos Médicos do Real Club Deportivo informarán á Federación Venezolana do estado físico do futbolista branquiazul.
