Dépor e Marineda City regalarán miles de gorros para tinguir Riazor dun branquiazul solidario

Os gorros distribuiranse de maneira gratuíta nos accesos do Estadio de Riazor. Neses mesmos puntos haberá voluntarios do catro institucións beneficiarias repartindo gorros e facendo peditorio para recoller os donativos que os deportivistas queiran realizar á causa. Por operatividade, o estadio dividirase en catro zonas de repartición de gorros e recadación de fondos, aínda que a recadación total de todo o estadio agruparase para facer posteriormente unha repartición igualitario entre todas as oenegués ao final da xornada.

 

A distribución do estadio á hora de facer a repartición de gorros e a recadación de fondos será a seguinte:

 

1. Saúde: Centro Oncolóxico de Galicia: "Mételle un gol ou Cancro". Bancada: Marathón 

2. Asistencial: Fogar Sor Eusebia Bancada: Preferencia

3. Infancia: Fundación Meniños. Bancada: Tribuna

4. Xeneral: Cruz Vermella, centrada no programa de recollida de xoguetes. Bancada: Pavillón

 

Os xoguetes recolleranse unicamente na bancada de Pavillón (nos soportais) para que aqueles afeccionados que non sexan desa bancada tamén poidan depositalos.

 

O Real Club Deportivo, ademais de agradecer publicamente a Marineda City o seu apoio para que a acción sexa posible, quere solicitar a todos os seus afeccionados todo o respaldo posible a esta iniciativa solidaria, colaborando na medida das súas posibilidades e tamén lucindo os gorros durante o partido para conseguir tinguir Riazor do branquiazul máis solidario.