Dez institucións sociais gozaron da bancada solidaria de ABANCA-RIAZOR no Deportivo-Athletic da 13ª xornada de LaLiga.
Contra o conxunto bilbaino as entidades beneficiarias foron: Cruz Vermella, Asociación Doantes de Sangue, Aprom, Centro de Menores José Calasanz, Fundación ADCOR, Fundación Camiña Social, Cáritas, Padre Rubinos, Aspace e Aspronaga.
A Bancada Solidaria de ABANCA-RIAZOR dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención ao Deportivista).
