Catro dos futbolistas máis queridos polo deportivismo, Emre Çolak, Marlos Moreno, Estefi e Eva recibiron o agarimo dos afeccionados na 'caseta' do RC Deportivo na praza elíptica de Marineda City.
Ás 19.00 da tarde, centos de persoas de todas as idades e nacionalidades (turcos, marroquís... e por suposto galegos) esperaban a súa quenda para fotografarse, saudar e pedir un autógrafo aos xogadores do Deportivo e ás futbolistas do Deportivo Abanca.
Asinaron camisetas, balóns, postais, bufandas... calquera produto do Dépor serviu para levar un recordo destes xogadores, embaixadores do Club branquiazul alá por onde van.
