Clarence Seedorf dirixiu esta mañá unha nova sesión de adestramento no campo número 11 da Cidade Deportiva do Real Madrid en Valdebebas. O técnico dividiu aos seus 19 futbolistas en dous grupos.
Os titulares onte no Estadio Wanda Metropolitano realizaron unha sesión de recuperación, con estiramentos, carreira continua e masaxe.
Os que onte non actuaron de inicio fronte ao Atlético de Madrid (Andone, Carles Gil, Bakkali, Krohn-Dehli, Borja Valle, Gerard Valentín e Schär), ademais dos dous porteiros (Rubén e Koval), tiveron un adestramento normal, con rondos, un exercicio de duelos (un contra un e dous contra dous) e un partido final en espazo reducido.
Mañá martes haberá xornada de descanso. O equipo adéstrase de novo o mércores 4 de abril ás 18:00 en Abegondo.
