Fútbol no campo principal para pechar a semana de traballo do Dépor
Un partido de 50 minutos, dividido en 2 partes de 25, no campo principal de Abegondo, puxo esta mañá o punto final á semana de adestramentos do primeiro equipo.
O Fabril, que adestra cada día no campo 4, anexo ao do Dépor, foi o 'adversario' do conxunto que prepara Fernando Vázquez.
Perdéronse a cita Fede Cartabia, Gerard Valentín e Vicente Gómez, este por mor dunha sobrecarga nun cuádriceps. Uche e Celso Borges, con permiso, non estiveron en Abegondo.
O primeiro equipo descansa mañá sábado e o domingo. O cadro regresa aos adestramentos o luns 14 de setembro ás 10:00 en Abegondo.