O vindeiro mércores 7 de setembro, ás 20:00 h., Marineda City acollerá a presentación da nova colección Kappa do RC Deportivo para esta temporada 2022/2023, que lucirán futbolistas do Dépor, Dépor ABANCA, A Nosa Canteira e Dépor Genuine.
A cita terá lugar na praza Emilia Pardo Bazán, na planta 0 do centro comercial, onde o Deportivismo que se achegue poderá coñecer en primeira persoa a futbolistas dos equipos, algunhas das novas fichaxes e, ademais, poderán conseguir premios (camisetas e balóns) e abonos do Dépor 2022-2023.
O evento contará coa actuación dun grupo de alumnos e profesores da academia de música Rock School Coruña, que interpretarán varios temas, entre eles, “1906”, o tema dedicado ao Dépor composto por Jesús Suárez, alumno da escola.
