Máis de 50 futbolistas participaron na xornada de portas abertas da SDC Ordes e o Dépor
A SDC Ordes, coa colaboración do Concello de Ordes e o Real Club Deportivo, organizou a semana pasada no campo municipal de Vista Alegre unha xornada de portas abertas para xogadores de 5 a 12 anos. Na actividade, dirixida polos técnicos locais coa presenza de adestradores de canteira do Deportivo, participaron máis de medio centenar de futbolistas da localidade coruñesa.
Esta xornada de portas abertas é unha das actividades reguladas entre a SCD Ordes e o RC Deportivo dentro do convenio de colaboración entre ambas, actividades que se seguirán desenvolvendo noutros puntos da provincia cos clubs conveniados.