A gardameta Malena Mieres García 'Malena' e a defensa María Sánchez-Migallón Menéndez 'Faragulla' acordaron a súa continuidade durante unha temporada máis co Deportivo Abanca.
Desta forma, xa son 13 as futbolistas coas que conta o cadro técnico comandado por Manu Sánchez para a Temporada 2017-2018, a segunda da historia do conxunto feminino do RC Deportivo.
O Deportivo Abanca 2017-2018 xa ten a segura participación de Anita, Estefi, Miriam, María Corral, Nuria, Raquel, Tere Abelleira, Kika Moreno, Gaby García, Cris, Lía, Malena e Miga.
