-Onte ante o Zaragoza mellorouse a imaxe, pero o equipo acabou perdendo.
-Estivemos bastante mellor pero non serviu finalmente para gañar o partido.
-E xa dez partidos sen gañar, unha nova marca negativa.
-Somos especialistas en marcas negativas. A derrota de Mónaco, o estar unha fase de Liga de Campións sen marcar un gol.. Pero tamén fixemos cousas positivas e eu quédome con elas. Onte fixemos todo o correcto para gañar pero estamos nesa serie negativa.
-Dicía o 'presi' na zona mixta do Estadio de Riazor, ao acabar o partido, que é mellor que cheguen xa as vacacións.
-Quedan tres partidos e querémolos gañar. Nestas últimas xornadas recuperamos sensacións boas. Creo que fomos superiores ao Zaragoza.
-Dá a impresión de que onte o Zaragoza gañou o partido como o facía o Deportivo.
-Un pouco é certo. Tamén é verdade que aínda que non asoballamos, si tivemos ocasións para gañar.
-¿Pode ser que o equipo estea a pagar o esforzo da primeira volta?
-Creo que non. Xuntouse un pouco todo. Vímonos arriba e equivocámonos en casa porque fose mantivemos unha liña máis ou menos regular. Pero en casa xogamos máis alegremente e os equipos gañáronnos todos da mesma forma.
-¿Paréceche boa idea a de ir metendo xogadores do filial nesta recta final?
-Tes que contar con eles porque o están facendo ben. Eles gáñanllo nos adestramentos e por iso están aí.
-¿Custa motivarse nestes partidos nos que o equipo non se xoga nada?
-A ningún gústalle perder. Iso asegúrocho. E máis vindo da serie negativa que estamos a atravesar nós. Nestes últimos partidos melloramos bastante e podemos seguir nesa liña.
-Ademais, todos os rivais do Deportivo xóganse algo.
-Nós tamén esperabamos estar metidos aí pero ao final non puido ser. Ante o Zaragoza demos a cara e quixemos gañar en todo momento.
-¿Que che parece a renovación por cinco tempadas de Valerón?
-Alégrome moito por el. Espero telo á beira meu eses dous anos opcionais que ten de xogador porque o gozo moito como futbolista, como compañeiro e como amigo. Alégrome porque llo merece.
-E ti parece que tes a pócima de Astérix.
-Gústame ser competitivo. Por iso tento manterme e xogar ao fútbol. Atópome un pouco mellor agora e creo que o equipo tamén recuperou algo de faísca.
-O resumo da tempada é que mal a dianteira e moi ben a defensa.
-Este equipo ten que traballar moito para gañar os partidos e para éso temos que ser moi rochosos en defensa. E obrígase aos dianteiros a defender eles xa desde arriba.
-Queda agora acabar a liga con algo de dignidade, polo menos logrando un triunfo.
-Queremos irnos con benestar e non cabizbajos e mal coa xente.
-Mañá preséntase o 'Premio a unha Estrela' que a Federación de Penas outorga á túa persoa.
-Estou moi agradecido polo feito de que pensasen en min. Sempre é bonito recibir premios.
-¿Vesche, do mesmo xeito que Valerón, noutro cargo no Club?
-Non o sei. Eu primeiro penso en xogar ao fútbol. Quédame unha tempada e tentarei xogar o mínimo de partidos que me permitan polo menos seguir o segundo ano.