O CPI Terras de Maside acolleu o pasado venres 27 de maio a presentación do DéporCampus Cabreiroá 2022 de verán que esta localidade ourensá acollerá por terceiro ano consecutivo, do 27 de xuño ao 1 de xullo, após o éxito das dúas edicións anteriores onde incrementouse o número de participantes achegándose ao medio centenar de inscritos.
O acto tivo lugar no patio exterior principal do colexio, coa presenza de José Manuel Igrexas, alcalde de Maside; Juan Romeu, coordinador das Escolas Deportivas de Maside; Luis Veloso, presidente das Escolas Deportivas de Maside, e Pablo Barros, director das actividades formativas da Fundación RC Deportivo.
A actividade está destinada a nenos e nenas desde os 6 aos 14 anos e terán un horario de 10:00 a 14:00 horas, aínda que os técnicos do RC Deportivo estarán nas instalacións desde as 9:30 recibindo aos participantes por quendas de chegada.
Os interesados poden consultar toda a información da sede de Maside e realizar o proceso de inscrición até o xoves día 23 de xuño nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
