- Foto: www.sefutbol.es -
David Mella representa a #ANOSACANTEIRA na fase final do Campionato de Europa sub-17 que se xoga en Israel.
Mañá luns 23, España mídese a Serbia na terceira xornada da Primeira Fase sen a presión de lograr o pase, aínda que coa primeira praza en xogo, posto que os españois teñen 6 puntos por 4 dos serbios.
O pasado martes 17 España abriu o torneo con triunfo ante Turquía por 0-2. David Mella arrincou o choque no banco e no minuto 68 relevou a Dani Rodríguez.
Bélxica, o pasado venres 20, foi o segundo rival do futbolista branquiazul e o seu equipo. Gañaron os españois (2-0), un resultado que clasificou xa aos pupilos de Julen Guerreio a cuartos de final, que se xogarán o mércores 25 e xoves 26 de maio.
Mella empezou de suplente e saltou ao campo no minuto 73 en substitución de Dani Pérez.
O calendario de partidos da selección española sub-17 é o seguinte:
Martes 17 de maio
TURQUÍA 0 - ESPAÑA 2
Venres 20 de maio
ESPAÑA 2 - BÉLXICA 0
Luns 23 de maio
16:30 (hora peninsular): ESPAÑA - SERBIA, no Haberfeld Stadium de Rishon LeZion
Israel, Alemaña, Italia e Luxemburgo (Grupo A), Francia, Países Baixos, Bulgaria e Polonia (Grupo B), Dinamarca, Portugal, Escocia e Suecia (Grupo D) completan a nómina de 16 seleccións que loitan polo título continental.
