Mosquera admite que todos os futbolistas ''temos moitas ganas de empezar xa''

O centrocampista coruñés admite que "o míster nos está insistindo moito en chegar ben ao partido. Imos chegar un pouco máis frescos do que o fixemos en pretemporada. Eu creo que imos facer un bo partido".

 

Asegura que os resultados en pretemporada non teñen nada que ver logo, cando arrinque a competición oficial: "os refachos en pretemporada non teñen nada que ver. Hai equipos que fan pretemporada con resultados malísimos e logo fan moi boa tempada. E ao revés, equipos que fan moi boa pretemporada e logo na tempada fano moi mal".

 

Neste sentido, subliña que a Real Sociedade "é moi bo equipo. Fichou a xente moi boa. Vai ser un partido moi complicado". Engade que é un persoal de moita "calidade, ten bos defensas, bo centro do campo e boa dianteira. Fichou a xente rápida polas bandas. Pero o míster teno súper estudado. Imos centrarnos nos datos que nos dea, no que temos que estar atentos, e a partir de aí facer o mellor partido". 

 

Sobra Jonathas, ex compañeiro de Mosquera no Elxe CF a pasada campaña e nas filas da Real esta campaña, asegura que "con el non temos que facer nada. O que temos que facer é centrarnos en nós, xogar, saber practicar o noso fútbol, tentar presionar arriba. Tennos que preocupar máis o que fagamos nós".