O Benxamín A xógase mañá ante o Victoria un posto na final do Mini Teresa Herrera
O Benxamín A xoga mañá martes 13 de xuño as semifinais do Trofeo Mini Teresa Herrera, torneo cuxa final se xogará no Estadio de Riazor o vindeiro 5 de agosto antes da 72 edición do Trofeo Teresa Herrera entre o Deportivo e o West Bromwich Albion.
Na Cidade Deportiva da Torre, o conxunto deportivista medirase ao Victoria, a partir das 19:30 horas.
Os resultados do Benxamín A no Mini Teresa Herrera deste ano son os seguintes:
Eliminatoria previa SAN CRISTÓBAL 1 - BENXAMÍN A 11 (Álex -3-, Jairo -2-, Dani -2-, Marcos, Bruno, Pablo Vázquez e Pablo Fernández)
Oitavos de final IMPERÁTOR 0 - BENXAMÍN A 7 (Pablo Fernández -2-, Erick -2-, Eli, Montes e Pablo Vázquez)
Cuartos de final BENXAMÍN A 7 (Álex -2-, Eli -2-, Jairo, Dani e Pablo Fernández) - URAL 5
Esta pasada fin de semana, o Benxamín A foi décimo no Torneo Internacional Cidade de Pontevedra, que organizou o Club Portero 2000 no campo da Xunqueira.