O Deportivo ABANCA viaxa este venres 26 de abril á primeira hora da mañá por estrada a Murcia para medirse o domingo 28 de abril (17:00 horas) ao Alhama CF, en partido de ida da primeira eliminatoria de ascenso á Liga Iberdrola.
O regreso á Coruña será tralo partido, tamén en autobús.
Por conseguinte, o equipo suspende o adestramento do venres pola tarde previsto inicialmente en Abegondo e trasládao ao sábado 27 pola tarde (17:00 horas) no Complexo Deportivo do Guadalentín en Alhama de Murcia, escenario do encontro.
O plan de viaxe do Deportivo ABANCA é o seguinte:
Venres 26 de abril
8:00: Saída en autocar con destino a Totana (Murcia)
20:00: Chegada aproximada ao hotel Executive Sport Murcia en Totana
Sábado 27 de abril
17:00: Adestramento no Complexo Deportivo do Guadalentín, en Alhama de Murcia
Domingo 28 de abril
17:00: Alhama CF - Deportivo ABANCA, no Complexo Deportivo do Guadalentín, en Alhama de Murcia
Ao finalizar regreso en autocar á Coruña
Luns 29 de abril
8:00 (hora aproximada): Chegada á Coruña
