O Deportivo ABANCA, que hoxe martes ten xornada de descanso, encara desde mañá mércores unha nova semana de pretemporada que concluirá o domingo 28 de agosto ás 18:00 horas co Trofeo Emma Cuervo no campo Pepe Barrera de Ribadeo ante o Real Oviedo Femenino.
Até a data as pupilas de Irene Ferreras competiron a bo nivel no Trofeo Cidade de Gaia de Portugal ante o Valadares Gaia FC (2-4); no Teresa Herrera ante outro equipo luso, o FC Famalicão (2-2 e 5-3 por penaltis); ante o SD Eibar (1-2) en Asturias, na súa única derrota este verán; e ante o Viajes InterRías FF (0-2) en Ribadumia no Trofeo Concello de Sanxenxo.
Ademais, o equipo deportivista vai recuperando efectivos co paso dos días, por exemplo Samara, que o pasado domingo disputou os seus primeiros minutos de pretemporada despois de superar un proceso vírico que a mantivo fóra do grupo nas primeiras semanas.
Irene Ferreras, adestradora deportivista, dispuxo catro sesións de traballo matinais na Cidade Deportiva á marxe do partido ante o Real Oviedo Femenino.
A planificación semanal, sempre susceptible de sufrir variación por razóns técnicas, é a seguinte:
Mércores 24 de agosto
10:00 h.
Xoves 25 de agosto
10:00 h.
Venres 26 de agosto
10:00 h.
Sábado 27 de agosto
10:00 h.
Domingo 28 de agosto
18:00: Deportivo ABANCA - Real Oviedo Femenino, no campo Pepe Barrera de Ribadeo (Trofeo Emma Cuervo)
