O Dépor ABANCA, hoxe luns con xornada de descanso, preparará a próxima cita en Primeira Federación Iberdrola do próximo sábado 25 de marzo ás 12:30 na Cidade Deportiva do Córdoba CF, correspondente á 24ª xornada, integramente sobre herba artificial, superficie como a da Cidade Deportiva do conxunto andaluz, onde se xogará o encontro.
Irene Ferreras, adestradora deportivista, dispuxo de tres sesións matinais ás 10:30 con ximnasio e vídeo previos na Cidade Deportiva branquiazul a partir das 09:00 horas.
A pesar da derrota o pasado sábado, As Nosas manteñen a 2ª posición na clasificación con 41 puntos, igualadas a puntos iso si co CDF Osasuna Feminino. Por diante marcha destacado o FC Barcelona B con 46 puntos; mentres que CP Cacereño e SD Eibar son 3º e 4º respectivamente con 40 puntos.
A planificación semanal, sempre susceptible de sufrir variación por razóns técnicas, é a seguinte:
Martes 21 de marzo
10:30 h., Abegondo
Mércores 22 de marzo
10:30 h., Abegondo
Xoves 23 de marzo
10:30 h., Abegondo
Venres 24 de marzo
Viaxe a Córdoba
Sábado 25 de marzo
12:30: Córdoba CF - Deportivo ABANCA, na Cidade Deportiva do Córdoba CF
