O Dépor buscará o pase na Copa con 20 futbolistas, entre eles 3 fabrilistas
O Deportivo encara a segunda eliminatoria de Copa do Rei, a partido único mañá mércores 12 de setembro en La Romareda de Zaragoza (21:00 horas, Gol), con 20 futbolistas.
Quedan fóra da convocatoria por lesión Borja Valle e Quique González.
A novidade é a presenza entre os citados dos fabrilistas Álex Cobo, Javi Cobo e Víctor García, que hoxe xa traballaron ás ordes de Natxo González, ademais de Bicho e o francés Salles-Lamonge.
No adestramento desta mañá, os técnicos dispuxeron un quecemento, rondos, un exercicio de automatismos de ataque no campo 2 e, para concluír, ensaio de accións a balón parado, especialmente faltas laterais.
Os convocados viaxan este mediodía en autocar a Zaragoza, con este plan de viaxe:
Martes 11 setembro 13:00: Saída de Abegondo en autobús destino Zaragoza, con parada para comer no Hotel Ciudad de Ponferrada 20:20: Chegada aproximada a Zaragoza e aloxamento no Hotel NH Zaragoza Centro
Mércores 12 setembro 12:00: Adestramento na Cidade Deportiva do Zaragoza 21:00: Zaragoza - Deportivo, no Estadio de La Romareda
Ao acabar o encontro, o Dépor pasa a noite en Zaragoza e desprázase o xoves a Los Ángeles de San Rafael (Segovia) para preparar o partido ligueiro en Alcorcón deste sábado 15 de setembro (20:00 horas, LaLiga 1|2|3 TV). A folla de ruta é a seguinte:
Xoves 13 setembro 9:00: Saída en autocar desde Zaragoza até Los Ángeles de San Rafael (Segovia) 12:45 (hora estimativa): Chegada ao hotel Sports Hotel Nayade 19:00 (hora estimativa): Adestramento en Los Ángeles de San Rafael
Venres 14 setembro 19:00 (hora estimada): Adestramento en Los Ángeles de San Rafael
Sábado 15 setembro 10:00 (hora estimativa): Adestramento en Los Ángeles de San Rafael 12:00: Saída para Pozuelo de Alarcón (Madrid) 13:00: Chegada ao Hotel AC La Finca 20:00: Alcorcón - Deportivo, no campo de Santo Domingo Ao finalizar regreso en autocar a Abegondo
Domingo 16 de setembro 5:30: Chegada aproximada á Coruña