O Deportivo, co fabrilista Hugo Rama e o central xuvenil Mujaid, comezou esta tarde a preparar o partido de Mestalla deste domingo 2 de abril (18:30, Bein Sports) ante a Valencia CF. Non estiveron os internacionais (Borges, Fayçal, Emre Çolak e Kakuta), que chegarán á Coruña de regreso das súas seleccións ao longo da semana.
A boa noticia foi a incorporación de Sidnei, de momento sen alta médica. A mala é Pedro Mosquera, que traballou no ximnasio cunhas molestias no seu cuádriceps dereito, pendentes de avaliación médica.
Arribas, cunhas molestias na zona do xemelgo da súa perna dereita, retirouse ao vestiario antes que o resto do cadro. Os Servizos Médicos do Club avaliarán a súa situación nas próximas horas.
Esta tarde, Pepe Mel incidiu no traballo táctico por grupos e, para finalizar, un partido a tres cuartas partes de campo.
Mañá martes 28 de marzo, o equipo adestrarase en Abegondo ás 10:30 horas.
