O Dépor Genuine será o protagonista este xoves 22 de febreiro dunha xornada de deporte inclusivo na Universidade da Coruña (UDC), onde haberá presentacións, charlas e, por suposto, fútbol.
A xornada abrirase no Salón de Graos da Facultade de Ciencias da Educación, onde a partir das 16:00 horas terá lugar unha presentación do proxecto de deporte inclusivo do Dépor Genuine.
O estadio Mariña Dourada, no Campus Universitario de Elviña, acollerá a partir das 17:15 horas unha serie de partidos de fútbol 8, nos que poderán participar até 25 estudantes, mesturados cos compoñentes do Dépor Genuine.
Os interesados poden inscribirse nesta ligazón até as 23:59 horas de mañá martes 20 de febreiro.
