Profesionais do RC Deportivo impartiron onte xoves docencia na Universidade de Santiago e na Federación Andaluza de Fútbol.
Rafael Martín Acero, responsable dos Servizos de Apoio ao Rendemento do Fútbol (SARF) do Dépor, foi o coordinador dunha mesa redonda no marco da segunda edición do Congreso Internacional sobre Fútbol e Psicoloxía celebrado na Facultade de Psicoloxía da Universidade de Santiago. Na devandita mesa participou ademais Albert Gil, director de fútbol formativo do RC Deportivo.
En Sevilla, dous dos fisioterapeutas do primeiro equipo, Adán Carbó e Adolfo Mateo, deron senllos relatorios aos alumnos de nivel 3 do Curso de Adestradores da Federación Andaluza de Fútbol.
Así, Adán Carbó, tamén Técnico Superior en Dietética, falou sobre "Alimentación no fútbol".
Pola súa banda, a clase maxistral de Adolfo Mateo versou sobre "Manexo do proceso lesional no futbolista profesional".
