O Deportivo pecha mañá sábado 12 de maio a liga no Estadio ABANCA-RIAZOR ante o Villarreal CF (18:30 horas, Bein LaLiga) con 17 futbolistas, é dicir, todos os dispoñibles excepto o meta Tytoà  e o mundialista Celso Borges. A gran novidade é a convocatoria do central xuvenil Mujaid, que se estrea así nunha citación do primeiro equipo.
Son baixa de maneira forzosa, ademais do sancionado Schär, os lesionados Bóveda; Sidnei; Cartabia, cunha sobrecarga nos isquiotibiais; Andone, cunha sobrecarga no psoas; e Carles Gil, con molestias nos isquiotibiais da súa perna dereita.
Co fabrilista Jardel e Mujaid, Seedorf dispuxo un partido táctico 11 contra 11 a todo o campo. Un traballo de disparos a portería para os atacantes puxo o punto e final ao traballo sobre o céspede.
Tralo adestramento, os futbolistas convocados concéntranse no Hotel Meliá María Pita, á espera do partido.
