O Deportivo, co central xuvenil Mujaid, regresou esta tarde aos adestramentos na Cidade Deportiva de Abegondo cunha sesión de activación.
Así, o cadro deportivista realizou un quecemento ás ordes do preparador físico Julio Hernando; para continuar logo cun exercicio de pases no campo 2 e fútbol tenis.
Só Sidnei e Bóveda adestráronse á marxe, o primeiro co readaptador Fran Molano.
Antes de saltar ao céspede, Fede Valverde, un dos deportivistas que podería estar presente no próximo Mundial de Rusia 2018 con Uruguai, someteuse a un control antidopaxe por sorpresa, a cargo da Axencia Española Antidopaxe, por orde da FIFA.
Mañá mércores, os futbolistas branquiazuis están citados de novo ás 17:00 horas en Abegondo.
