Un total de cinco fabrilistas (Óscar, Nacho Monsalve, Álex Corredera, Hugo Díaz e Arnau) adestráronse esta tarde ás ordes de Gaizka Garitano no regreso ao traballo do primeiro equipo tras o parón do Nadal.
Faltaron á sesión Sidnei, con permiso; Fayçal, concentrado coa Selección de Marrocos; e Albentosa, en Sevilla no partido benéfico 'Champions for Life'.
Laure adestrouse co readaptador Fran Molano e Florin Andone realizou un traballo específico á marxe do grupo.
Carles Gil retirouse antes que os demais a consecuencia dalgunha molestia no seu xeonllo esquerdo.
Os xogadores tiveron esta tarde un exercicio de posesión e un partido con porterías pequenas, despois dun traballo físico de 40 minutos de duración.
Mañá, venres 30 de decembro, o equipo está citado en Abegondo ás 10.30 horas.
