O Deportivo, co central xuvenil Mujaid, repasou esta tarde accións de estratexia e a balón parado (saques de esquina, faltas laterais...) no campo 3 da Cidade Deportiva, de cara a #ONOSODERBI deste sábado 5 de maio en Balaídos ante o Celta (18:30, Bein LaLiga), en partido correspondente á 36ª xornada de LaLiga Santander.
O traballo sobre o céspede concluíu con remates a portería especialmente para os atacantes.
Desta forma, os técnicos branquiazuis rebaixaron a intensidade do esforzo dos xogadores, dous días antes do partido ante os célticos.
Antes de saltar ao campo, Clarence Seedorf encerrouse cos seus futbolistas por espazo de 20 minutos na sala de vídeo.
Mañá venres, o cadro está citada ás 18:00 horas no Estadio ABANCA-RIAZOR, para un novo adestramento a porta pechada.
Ao finalizar, o técnico holandés dará a lista de xogadores convocados para o choque ante o conxunto céltico.
