Como é tradición cada ano por estas datas, os futbolistas do Real Club Deportivo visitaron a Maternidade HM Belén para saudar ás familias dos recentemente nacidos estes días e a outros nenos e nenas ingresados no centro.
Pedro Mosquera, Juanfran, Estefi e Eva foron os representantes do Dépor na visita, repartindo agasallos, agarimo e deportivismo a moitas familias que, á emoción persoal dos días que están a vivir, sumarán o recordo da visita dos futbolistas do Deportivo.
