Hoxe xoves 12 de outubro, día festivo, o Deportivo ABANCA visita ao Victoria CF (A Grela 1, 20:15 horas) na segunda xornada da Primeira Fase da Copa Galicia. Na primeira xornada, o Deportivo ABANCA dobregou (7-0) ao CPM Friol.
Un triunfo deportivista suporía o pase matemático á semifinal, que será a ida e volta contra o segundo clasificado do grupo sur.
Para o choque ante o Victoria CF, Manu Sánchez citou a estas xogadoras: Anita, Sheila, Miriam, Raquel, Patri, Kika, Gaby, Oreiro, Sara, Jone, Peke, Teresa, Miga, Silvia Mérida, María Corral, Nuria, Estefi e Michelle.
O domingo 15 de outubro (10:30 horas), toca de novo xogar lonxe de Arteixo, concretamente en Santander (Cidade Deportiva do Racing, campo Nando Yosu) ante o CDE Racing Mulleres, na 6ª xornada de liga no grupo 1º de Segunda División Nacional.
