Este mércores 31 de agosto ás 12:30 realizarase o sorteo da primeira eliminatoria da Copa da Raíña na que xa entrará o Deportivo ABANCA; e cuxos partidos se disputarán os días 13, 14 e 15 de setembro.
O acto, que se poderá seguir vía streaming a través das canles oficiais da RFEF, realizarase na sede da Federación na Ciudad del Fútbol de Las Rozas (Madrid).
As eliminatorias serán a partido único e, até onde sexa posible, enfrontaranse os clubs de inferior categoría cos de maior categoría. O partido terá lugar sempre no campo do equipo de menor categoría. En caso de ser os dous da mesma división, o choque será no terreo de xogo do equipo que saíse en primeiro lugar no sorteo.
Ademais do Deportivo ABANCA, participan nesta primeira eliminatoria outros 31 conxuntos:
-Equipos de Segunda División Feminina 2021-2022 (25): Levante Las Planas FC, RCD Espanyol, CDF Osasuna Femenino, DUX Logroño, SE AEM, Real Oviedo, Zaragoza CF Femenino, CD Parquesol, CDE Racing Féminas, CD Pradejón, Sporting de Gijón, CE Seagull, Alhama CF, Cacereño Femenino, Granada CF, CD Juan Grande Ginelux, CD Alba Fundación Femenino, Córdoba CF, CD Santa Teresa, CD Femarguín, Real Unión de Tenerife, CD Pozoalbense Femenino, FF La Solana Quesos La Casota, Elche CF e CD Castellón.
-Equipos de Primeira Nacional Feminina 2021-2022 (6): Málaga CF, CE Europa, Club Bizkerre, Peluquería Mixta Friol, Fundación Canaria CD Tenerife e CF Unión Viera.
Na pasada edición de Copa, o Deportivo ABANCA eliminou na primeira eliminatoria ao CF Pozuelo (1-9) e caeu en Abegondo ante o Granada CF (0-1) en segunda rolda.
