O Deportivo participa cos mellores clubs portugueses no Torneo Ponte de Frielas infantil
Un equipo infantil do Deportivo desprázase esta semana a Portugal para participar no torneo que organiza a União Desportiva Ponte de Frielas, en Ponte de Frielas.
O conxunto deportivista quedou encadrado no grupo A, co SL Benfica, UD Ponte Frielas e Vitória de Setúbal.
O calendario de partidos do Dépor, en horario local (unha hora máis en España), é o seguinte:
Sábado 2 de marzo 10:45: DEPORTIVO - VITÓRIA DE SETÚBAL 15:30: UD PONTE FRIELAS - DEPORTIVO
Domingo 3 de marzo 14:00: SL BENFICA - DEPORTIVO
Os dous primeiros clasificados xogan as semifinais, o luns 4 a partir das 15:30 horas; mentres que o 3º e 4º disputarán o martes 5 un partido de consolación fronte ao 3º e 4º do outro grupo.
O torneo conclúe ese martes 5 de marzo, coa final (16:00) e o partido polo terceiro e cuarto posto (14:30).