O Fabril tivo hoxe martes 25 de xullo a súa segunda cita da pretemporada. Foi no Municipal de Laracha, ante un peleón equipo local, que este ano regresa á Terceira División.
O resultado, que é o de menos a estas alturas da pretemporada, foi de empate (1-1), con tanto fabrilista obra de Martín.
Cristóbal Parralo, técnico do filial, aproveitou para dar minutos a todos os seus futbolistas. Para iso aliñou dous onces, un en cada tempo.
Primeiro tempo: Álex Cobo, Carracedo, Mujaid, Quique Fornos, Lucas, Carlos López, Sito, Queijeiro, Uxío, Martín e Borja Galán.
Segunda metade: Francis, Blas, Raúl González, Gaizka, Diego Caballo, Gandoy, Ortuño, Luismi, Romay, Porrúa e Pedro.
A próxima cita de pretemporada para o Fabril será este domingo 30 de xullo en Boqueixón, co Compostela como rival.
O calendario de partidos de preparación do Fabril xa confirmado é o seguinte:
23 de xullo, torneo 'tres en un' en Viveiro
Viveiro 0 - Fabril 4 (Uxío -2-, Gaizka e Porrúa)
Fabril 1 (Queijeiro) - Somozas 0
25 de xullo: Laracha 1 - Fabril 1 (Martín)
30 de xullo, 19:00 horas: SD Compostela - Fabril (campo da Silveira, Camporrapado, Boqueixón)
2 de agosto, dezaseisavos de final de Copa Deputación da Coruña: Marino de Mera ou Laracha - Fabril
8 de agosto, 18:30 horas: Fabril - Real Madrid Castilla (Estadio ABANCA-RIAZOR)
Entradas á venda para o Trofeo Manolo Martín
Están á venda na Oficina de Atención ao Deportivista e El Corte Inglés (Ramón e Cajal e Marineda City) as entradas para o XXXIV Trofeo Manolo Martín que disputan o Fabril e o Real Madrid Castilla o próximo 8 de agosto ás 18:30 horas no Estadio ABANCA-RIAZOR.
As entradas, que teñen carácter benéfico (a recadación destinarase integramente ás obras de restauración do Santuario da Virxe da Barca en Muxía), teñen un custo de 5 euros. Os menores de 15 anos poden acceder de forma gratuíta pero deben retirar invitación na OAD ou El Corte Inglés.
