A AD Miño, de Primeira Autonómica, será o rival do Fabril nos oitavos de final da Copa Deputación.
A eliminatoria, a partido único, xogarase no campo municipal de Gallamode (Miño) este domingo 6 de agosto ás 20:00 horas.
En dezaseisavos de final, o conxunto fabrilista eliminou onte mércores ao Laracha (0-2), con tantos de Martín e Pedro.
O calendario de partidos de preparación do Fabril xa confirmado é o seguinte:
23 de xullo, torneo '3 en 1' en Viveiro
Viveiro 0 - Fabril 4 (Uxío -2-, Gaizka e Porrúa)
Fabril 1 (Queijeiro) - Somozas 0
25 de xullo: Laracha 1 - Fabril 1 (Martín)
30 de xullo: SD Compostela 1 - Fabril 1 (Pedro). A penaltis: 8-9
2 de agosto, dezaseisavos de final de Copa Deputación da Coruña: Laracha 0 - Fabril 2 (Martín e Pedro)
6 de agosto, 20:00 horas, oitavos de final da Copa Deputación da Coruña: Miño - Fabril (Municipal de Gallamonde)
8 de agosto, 18:30 horas, Trofeo Manolo Martín: Fabril - Real Madrid Castilla (Estadio ABANCA-RIAZOR)
Entradas á venda para o Trofeo Manolo Martín
Están á venda na Oficina de Atención ao Deportivista e El Corte Inglés (Ramón e Cajal e Marineda City) as entradas para o XXXIV Trofeo Manolo Martín que disputan o Fabril e o Real Madrid Castilla o próximo 8 de agosto ás 18:30 horas no Estadio ABANCA-RIAZOR.
As entradas, que teñen carácter benéfico (a recadación destinarase integramente ás obras de restauración do Santuario da Virxe da Barca en Muxía), teñen un custo de 5 euros. Os menores de 15 anos poden acceder de forma gratuíta pero deben retirar invitación na OAD ou El Corte Inglés.
