O Xuvenil B inicia a Primeira Fase da Liga Nacional o 8 de novembro en Vilalba
O XuvenilB xa coñece o seu calendario no subgrupo A do grupo 1º da Liga Nacional. A competición ten previsto arrancar o 8 de novembro.
O conxunto deportivista de Álex Antón e Aldo Duscher enfrontarase inicialmente nunha liga a dobre volta co resto de equipos dese subgrupo: Victoria CF, Atlético Coruña Montañeros CF, SD Compostela, SD O Val, Racing Villalbés, CD Lugo B, EF Lalín, Arosa SC e Pontevedra CF.
O Xuvenil B disputa a primeira xornada en Vilalba ante o Racing Vilalbés e pechará esta Primeira Fase o 28 de marzo de 2021 en Vilagarcía fronte ao Arosa SC.
Os 5 primeiros clasificados accederán á Segunda Fase para o ascenso á División de Honra; mentres que os restantes acceden á Segunda Fase pola Permanencia.
Os puntos obtidos así como os goles, tanto a favor como en contra, arrastraranse á seguinte fase.
Tanto na Segunda Fase polo Ascenso como pola Permanencia, os equipos do subgrupo A enfrontaranse aos do subgrupo B, a unha volta, sen poder enfrontarse aos equipos cos que estiveron encadrado no mesmo subgrupo da Primeira Fase.