Os alumnos da Escola RC Deportivo, que traballan cada mércores e venres nas instalacións de Fútbol Indoor Coruña, desprazáronse até a Cidade Deportiva de Abegondo para participar onte en partidos de adestramento xunto aos seus 3 técnicos, David Lagar, Asier Marote e Jacobo Saco, adestradores da canteira do Real Club Deportivo.
Os partidos tiveron unha duración de 1 hora e neles participaron os 45 nenos e nenas inscritos, que se dividiron en varios grupos por idades, en diferentes equipos, xogando varios partidos ao mesmo tempo.
Esta é unha actividade de carácter lúdico, onde non importa o resultado pero si a formación de todos os alumnos e alumnas que adestran na escola que en marzo completa o seu terceiro mes de actividade.
Aqueles xogadores de 6 a 12 anos que queiran sumarse a esta actividade da Fundación Real Club Deportivo poden facelo informándose e inscribíndose en www.rcdeportivo.es/escola.
