O Deportivo e o Dépor ABANCA afrontan os penúltimos partidos da temporada a próxima fin de semana xa con horario unificado ao ser partidos con incidencia na clasificación final da categoría.
O sábado chégalle a quenda a Os Nosos no Anexo ao José Zorrilla fronte ao Real Valladolid Promesas nun partido da 37ª xornada en Primeira RFEF que comezará ás 18:30 h. e será ofrecido en directo por Footters e www.fuchs-sports.com.
Á mañá seguinte As Nosas visitan Oviedo para enfrontarse ao Real Oviedo nas instalacións deportivas HFE Tensi da capital asturiana. O partido da 29ª xornada de Reto Iberdrola poderá seguirse en YouTube a través da retransmisión da canle Área 21 TV.
