Hoxe venres 30 de decembro, unha representación do Deportivo e Deportivo Abanca A entregou agasallos branquiazuis e, sobre todo, repartiu moita simpatía aos numerosos nenos que este ano se viron obrigados a pasar estes días hospitalizados no Hospital Materno Infantil Teresa Herrera da Coruña, nunha visita que se repite tradicionalmente cada Nadal.
Pasados quince minutos das 13.00 horas, xusto despois do adestramento en Abegondo, Laure, Álex, Poroto Lux, Bruno Gama, Gere e Lía, acompañados polo conselleiro Daniel Ramos e a directora da área Social Gelines Romero, achegáronse ao citado centro hospitalario para achegar felicidade os pequenos ingresados.
Camisetas, balóns, gorros, bufandas, fotografías e pósteres branquiazuis serviron para que por uns momentos, os nenos puidesen charlar e sorrir cos seus ídolos deportivos.
