A defensa Patricia López Andrés 'Patri' xogará a próxima temporada no CPM Friol aínda que continuará vinculada ao RC Deportivo.
Despois de non gozar de todos os minutos desexados no Deportivo Abanca A, nin por parte da xogadora nin por parte do corpo técnico, a lateral esquerda melidense buscará esa continuidade no equipo lucense.
O CPM Friol militou na mesma categoría que as branquiazuis o pasado exercicio, no grupo 1 de Segunda División Nacional, obtendo un meritorio quinto posto. Só Oviedo Moderno, Dépor Abanca A, Sporting de Gijón e Atlántida Matamá superaron ao conxunto friolés.
Patri, que o próximo 29 de novembro cumprirá 17 anos, disputou 19 dos 26 encontros de Liga, sendo titular en 9 deles. A defensora branquiazul anotou 3 goles, fronte a Monte, Gijón FF e Tordoia.
