Pedro xoga a recta final da goleada de Portugal sobre Kósovo
O xogador do Xuvenil A Pedro Alves Correia foi convocado polo combinado sub-19 de Portugal, que desde hoxe mércores 21 de marzo toma parte na Rolda Elite da Eurocopa da categoría.
O campión deste torneo clasificarase para a Fase Final, que terá lugar en Finlandia do 16 ao 29 de xullo.
O primeiro rival de Portugal foi Kósovo, hoxe mércores no Estadio do Bessa en Porto. O triunfo foi claramente para os portugueses (5-0); e o futbolista do Dépor xogou os últimos 7 minutos de partido, ao substituír a Jose Gomes.
O sábado, na segunda xornada deste torneo, o rival de Portugal será Eslovaquia, en Paços de Ferreira.
O calendario da selección lusa é o seguinte:
Mércores 21 de marzo PORTUGAL 5 - KÓSOVO 0
Sábado 24 de marzo 18:00: PORTUGAL - ESLOVAQUIA, na Mata Real de Paços de Ferreira
Martes 27 de marzo 18:00: REPÚBLICA DE IRLANDA - PORTUGAL, no Cidade de Barcelos