A Comisión de Segunda División B, reunida onte, proporá para a súa aprobación na próxima Asemblea Xeral da Federación Española do próximo 20 de xullo un grupo de Segunda División B, o primeiro, no que militará o Fabril, composto ademais de equipos galegos, por madrileños, castelán-leoneses e castelán-manchegos.
Desta forma, de aprobarse esta proposta, os rivais do Fabril esta temporada serían: Guijuelo, Gimnástica Segoviana, Valladolid B, Ponferradina, Toledo, Talavera de la Reina, Rápido de Bouzas, Coruxo, Pontevedra, Racing de Ferrol, Celta B, Cerceda, Atlético de Madrid B, Navalcarnero, Fuenlabrada, Rayo Majadahonda, Real Madrid Castilla, San Sebastián de los Reyes e Unión Adarve.
