Quince institucións sociais gozaron da bancada solidaria de Riazor no Dépor-Espanyol da 36ª xornada de LaLiga.
Contra os branquiazuis as entidades beneficiarias foron:Aspronaga, CASCO-Comité Antisida, Centro de Inserción Social, Centro de Menores San Xosé Calasanz, Club Deportivo Cerqueda, COGAMI, Colectivo Moucho, Down Coruña, Equus Zebra, FEAFES Galicia, Foltra, Fundación Adcor, Fogar Sor Eusebia, Reto Coruña e Terra solidaria.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención ao Deportivista).
