Os Socios de Prata que non puidesen acudir ao acto #25anosxuntos, celebrado o pasado xoves 15 en Palexco para conmemorar o seu cuarto de século como socios do Club, poden recoller desde hoxe na Oficina de Atención ao Deportivista (Estadio de Riazor, Avenida de La Habana s/n) a súa insignia de prata. Poden facelo en calquera momento dentro do horario habitual da oficina: de luns a venres de 10:00 a 13:30 e de 16:30 a 19:00 h.
Ademais, os socios que acudiron á gala, poden ver na galería desta noticia ou na páxina de Facebook oficial do Dépor todas as fotos tanto do evento como do photocall cos trofeos oficiais do Club e dous dos Teresa Herrera. Se desexan esas fotos en alta resolución poden solicitalas na propia Oficina de Atención ao Deportivista.
