Resultados da xornada entre semana en ANOSACANTEIRA, cunha última derrota do Alevín A
A festividade do mércores 1 de maio provocou unha intensa xornada de partidos entre semana en #ANOSACANTEIRA.
Así, houbo competición ligueira estes días en cadetes, alevíns e benxamíns.
A xornada entre semana concluíu hoxe xoves 2 de maio co encontro entre o Alevín A (na foto no torneo gañado onte mércores en Monforte) e o CD Calasanz correspondente á Fase polo Título da Primera A Coruña de fútbol 8.
Caeron os branquiazuis (2-3), que desta forma cederon o liderado.
Onte mércores xogouse un único partido. O San Tirso SD Cadete, instalado na zona media-alta da clasificación da División de Honra, non puido puntuar na súa visita ao UD Ourense (2-1).
O pasado martes 30 de abril o Cadete, a un paso de revalidar o título na División de Honra, venceu (5-1) ao Victoria CF.
Tamén en Abegondo víronse as caras o Fabril FC Benxamín e o Benxamín A en choque da Fase polo Título da Primera A Coruña de fútbol 8. Houbo repartición de puntos (1-1) nun equilibrado encontro.
Pecharon a xornada dous partidos fóra de casa: o Alevín A en Carballo ante o ED Luis Calvo Sanz (1-12) no Trofeo Conservas Calvo de fútbol 11 e o Fabril FC Alevín no Monte ante o San Tirso SD (2-2) na Fase polo Título da Primera A Coruña de fútbol 8.
Finalmente tamén o martes as deportivistas Elena Vázquez e Sara Cercido; xunto ás orzanistas Yaiza García, Emma Gandoy, Laura Santos e Noelia Mayo participaron nun adestramento da selección galega sub-17 no campo da Braña en Rois.
Ademais, as orzanistas Claudia Sande e Daniela Macedo disputaron un amigable coa selección galega sub-15 ante o Arosa SC de Liga Galega infantil no campo de Zacande en Meis.
Os resultados dos partidos foron os seguintes:
Categoría cadete División de Honra, 29ª xornada: CADETE 5 (Miguel de Labra -2-, Balbas, Trillo e Xabi Campos) - VICTORIA CF 1 División de Honra, 29ª xornada: UD OURENSE 2 - SAN TIRSO SD CADETE 1 (Héctor)
Categoría alevín Trofeo Conservas Calvo de fútbol 11, subgrupo norte, 10ª xornada: ED LUIS CALVO SANZ 1 - ALEVÍN 12 (David Gómez -4-, Nacho Villanueva -3-, Álvaro Gómez -2-, Hugo Macedo, Rui Caamaño e Martín López)
Fase polo Título da Primera A Coruña de fútbol 8, 7ª xornada: ALEVÍN A 2 (Manu Sande e Nacho Villanueva) - CD CALASANZ 3 Fase polo Título da Primera A Coruña de fútbol 8, 7ª xornada: SAN TIRSO SD 2 - FABRIL FC ALEVÍN 2 (Miguel Candal e Alejandro Astray)
Categoría benxamín Fase polo Título da Primera A Coruña de fútbol 8, 7ª xornada: FABRIL FC BENXAMÍN 1 (Pablo Couso) - BENXAMÍN A 1 (Mateo Songo'o)