Aproveitando o festivo de hoxe xoves 8 de decembro, varios equipos de #ANOSACANTEIRA teñen dobre cita ligueira esta semana.
O Fabril, líder de Tercera RFEF, empatou esta tarde no Couto ante o UD Ourense (2-2), nunha das saídas máis complicadas da temporada.
Martín Ochoa e Iano Simão adiantaron aos fabrilistas na primeira metade pero os locais lograron a igualada cun gol no minuto 93.
A pesar deste empate, o Fabril lidera a Tercera RFEF con 5 puntos de vantaxe sobre o segundo clasificado, o Racing Villalbés.
Xa a fin de semana, o equipo que dirixe Óscar Gilsanz recibe o domingo 11 en Abegondo ao UD Somozas a partir das 12:00 horas.
O Club mantén activo o protocolo de apertura con control de accesos á Cidade Deportiva de Abegondo.
Todo o público debe retirar entrada, até esgotar aforamento e sen ningún custo adicional para todas as persoas socias do RC Deportivo que o tramiten formalmente a través da web bancada.rcdeportivo.es, na que deberán introducir o seu ID de socio e 4 últimos números do DNI. A continuación, seleccionar unha localidade libre na bancada e posteriormente completar os seus datos de contacto e a dirección de correo electrónico onde recibir a entrada. Con eses mesmos datos doutras persoas socias, unha única persoa pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición, localización e aforamento na instalación. O RC Deportivo solicita que unicamente tramiten a entrada aquelas acodes socias que vaian poder acudir aos partidos, para evitar que queden afeccionados sen poder asistir unha vez completado a repartición do aforamento nun proceso 100% telemático.
A partir de hoxe xoves ás 23:59 habilitarase simultaneamente o sistema de venda de entradas para o público en xeral, a través da mesma plataforma en bancada.rcdeportivo.es e seguindo o preceptivo sistema de rexistro e pago de localidade. O prezo de cada entrada para cada partido para afeccionados sen carné do RC Deportivo é de 10 euros.
Tamén teñen dobre compromiso esta semana os dous conxuntos da División de Honra cadete.
Onte mércores 7, o Dépor goleou na Cidade Deportiva ao Pontevedra CF (10-0) e o San Tirso SD Cadete venceu a domicilio ao ED Xuventude de Oroso (0-1).
O sábado 10, ambos os conxuntos xogan como visitantes: os branquiazuis en Ferrol (12:00 horas, campo de Aneiros) e os 'verdes' en Redondela ante o CD Choco (18:00, campo de Santa Mariña).
Así mesmo o Infantil, líder da División de Honra, adiantou a hoxe xoves 8 o seu partido ligueiro, coa visita ao UD Santa Mariña no campo vigués de Cotogrande. O choque supuxo a primeira derrota da liga para os branquiazuis (2-1), a pesar de que se adiantaron no marcador aos 5 minutos de xogo grazas a un gol de Casuso.
Tamén adiantou ao pasado luns o seu partido correspondente á 6ª xornada no subgrupo 1º de Primeira A Coruña - As Mariñas o Alevín A, neste caso para poder participar a fin de semana, co Benxamín A, na VII edición do Torneo Internacional Tucho de la Torre, en Marín (Pontevedra).
O sábado 10, ademais dos cadetes e do Fabril FC Alevín e Benxamín na Torre, o Xuvenil B enfróntase (10:30) ao Ural Español CF B en Abegondo e o San Tirso SD Infantil (12:00) ao Cidade de Ribeira CF no Monte.
Xa o domingo 11, o Xuvenil A defende o liderado da División de Honra conquistada a pasada fin de semana en Vigo en #ONOSODERBI cun sempre difícil partido ante o Real Racing Club, 4º na táboa. O choque será ás 12:00 no campo 3 da Cidade Deportiva.
Esta semana teñen parón ligueiro, ademais do Benxamín A, o Deportivo ABANCA B, Orzán SD Xuvenil Feminino, Orzán SD Cadete Feminino, Orzán SD Cadete B Feminino e Orzán SD Infantil Feminino pola disputa do Campionato de España feminino por autonomías sub-15 e sub-17.
Están convocadas Emma Gandoy (Orzán SD Cadete) e Sofía Rodríguez (Orzán SD Infantil) na selección galega sub-15; e Martina Rivas (Orzán SD Xuvenil), Uxía López (Orzán SD Xuvenil), Elena Vázquez (Dépor ABANCA B), Laura Santos (Orzán SD Xuvenil), Sara Cercido (Orzán SD Xuvenil), Lucía Rivas (Deportivo ABANCA B), Macarena González (Orzán SD Xuvenil) e Laura Otero (Deportivo ABANCA B) na sub-17.
O calendario de partidos, cos resultados dos xa xogados, é o seguinte:
Terceira RFEF
12ª xornada: UD OURENSE 2 - FABRIL 2 (Martín Ochoa e Iano Simão)
13ª xornada: FABRIL - UD SOMOZAS, o domingo 11 de decembro ás 12:00 en Abegondo
Clasificación: 1. Fabril, 28 puntos; 2. Racing Villalbés, 23 puntos; 3. Arosa SC, 22 puntos; 4. UD Ourense, 20 puntos; 5. UD Somozas, Rápido de Bouzas e CD Estradense 18 puntos...
Categoría feminina
Clasificación da Primeira Nacional: 1. Deportivo ABANCA B, 34 puntos; 2. Sporting de Gijón, 29 puntos...
Clasificación da Primeira Autonómica: 1. Sárdoma CF B, 32 puntos; 2. Orzán SD Xuvenil Feminino, 31 puntos; 3. CD Lugo, 29 puntos; 4. Bergantiños CF, 28 puntos...
Clasificación da Segunda Autonómica, subgrupo 1º: 1. Orzán SD Cadete B Feminino, 27 puntos; 2. Unión Campestre FC e Atlético San Pedro, 22 puntos...
Clasificación da Liga Galega cadete, subgrupo A: 1. Orzán SD Cadete Feminino, 24 puntos; 2. Victoria CF, 18 puntos...
Clasificación da Liga Galega infantil, subgrupo A: 1. SCD Pastoriza, 21 puntos; 2. Orzán SD Infantil Feminino e UC Cee, 15 puntos; 4. SCD Milagrosa, 9 puntos...
Categoría xuvenil
14ª xornada: XUVENIL A - REAL RACING CLUB, o domingo 11 de decembro ás 12:00 en Abegondo (campo 3)
Clasificación da División de Honra: 1. Xuvenil A, 33 puntos; 2. Sporting de Gijón, 32 puntos; 3. RC Celta, 31 puntos; 4. Real Racing Club, 25 puntos...
14ª xornada: XUVENIL B - URAL ESPAÑOL CF B, o sábado 10 de decembro ás 10:30 en Abegondo (campo 5)
Clasificación da liga Nacional: ... 2. Pontevedra CF, 27 puntos; 3. CD Choco e ED Val Miñor Nigrán, 25 puntos; 5. Xuvenil B e Pabellón Ourense CF, 23 puntos; 7. Atlético Coruña Montañeros CF, Racing de Ferrol e Bergantiños CF, 21 puntos... 16. Ural Español CF B, 10 puntos...
Categoría cadete
14ª xornada: CADETE 10 (Nico Ruiz, André -2-, Telmo, José Rey, Dani -2-, Lucas, Brian e Pablo Pereda) - PONTEVEDRA CF 0
15ª xornada: RACING DE FERROL - CADETE, o sábado 10 de decembro ás 12:00 no campo de Aneiros (Ferrol)
14ª xornada: ED XUVENTUDE DE OROSO 0 - SAN TIRSO SD CADETE 1 (Iker Fernández)
15ª xornada: CD CHOCO - SAN TIRSO SD CADETE, o sábado 10 de decembro ás 18:00 no campo de Santa Mariña (Redondela)
Clasificación da División de Honra: 1. Cadete, 42 puntos; 2. RC Celta, 37 puntos; 3. Arosa SC, 31 puntos; 4. Racing de Ferrol, 28 puntos... 15. San Tirso SD Cadete, 15 puntos...19. CD Choco, 8 puntos...
Categoría infantil
12ª xornada: UD SANTA MARIÑA 2 - INFANTIL 1 (Casuso)
12ª xornada: SAN TIRSO SD INFANTIL - CIDADE DE RIBEIRA CF, o sábado 10 de decembro ás 12:00 no Monte
Clasificación da División de Honra: 1. Infantil (un partido máis), 31 puntos; 2. RC Celta, 30 puntos; 3. ED Val Miñor Nigrán, 27 puntos... 11. San Tirso SD Infantil, 11 puntos... 14. Cidade de Ribeira CF, 8 puntos...
Categoría alevín
6ª xornada: ORILLAMAR SD A 0 - ALEVÍN A 6 (Mario González -3-, Sergio Infante, Iker Obeso e Nico Torres)
Clasificación da Primeira A Coruña - As Mariñas, subgrupo 1º: 1. Alevín A (un partido máis), 18 puntos; 2. Atlético Coruña Montañeros CF, 15 puntos; 3. Ural Español CF e Victoria CF, 9 puntos...
VII edición do Torneo Internacional Tucho de la Torre, en Marín
Primeira Fase
Sábado 10 de decembro
11:30: ALEVÍN A - EF VILLA DE MARÍN
14:00: ALEVÍN A - PABELLÓN OURENSE CF
17:00: VITÓRIA SC - ALEVÍN A
19:00: ED XUVENTUDE DE OROSO - ALEVÍN A
En función de clasificación, os equipos quedarán emparellados en cuartos de final, que serán o domingo 11 a partir das 09:30 horas.
6ª xornada: SADA CF A - FABRIL FC ALEVÍN, o sábado 10 de decembro ás 10:30 no campo As Mariñas - Andrés Pena (Sada)
Clasificación da Primeira A Coruña - As Mariñas, subgrupo 2º: 1. Fabril FC Alevín, 15 puntos; 2. ED Luis Calvo Sanz e Sada CF A, 12 puntos...
Categoría benjamín
VII edición do Torneo Internacional Tucho de la Torre, en Marín
Primeira Fase
Sábado 10 de decembro
11:30: BENXAMÍN A - CAMPIÓN DA FASE PREVIA
14:00: BENXAMÍN A - ED XUVENTUDE DE OROSO
17:00: PABELLÓN OURENSE CF - BENXAMÍN A
19:00: VITÓRIA SC - BENXAMÍN A
En función de clasificación, os equipos quedarán emparellados en cuartos de final, que serán o domingo 11 a partir das 09:30 horas.
6ª xornada: FABRIL FC BENXAMÍN - ATLÉTICO CORUÑA MONTAÑEROS CF, o sábado 10 de decembro ás 11:30 na Torre (campo 3.1)
Clasificación da Primeira A Coruña - As Mariñas, subgrupo 1º: 1 . Benxamín A, 15 puntos; 2. Ural Español CF, 12 puntos; 3. CD Calasanz e Atlético Coruña Montañeros CF, 9 puntos; 5. Victoria CF e Fabril FC Benxamín, 6 puntos...
