David Mella representa a #ANOSACANTEIRA na fase final do Campionato de Europa sub-17 que se xoga en Israel.
Turquía, Bélxica e Serbia son os rivais iniciais da selección española no Grupo C da Primeira Fase.
Bélxica, mañá venres 20 ás 15:30, será o segundo rival do futbolista branquiazul e o seu equipo.
Ante os turcos o pasado martes, España impúxose por 0-2. Mella arrancou o choque no banco e saltou ao céspede no minuto 68 en substitución de Dani Rodríguez.
O calendario de partidos da selección española sub-17 é o seguinte:
Martes 17 de maio TURQUÍA 0 - ESPAÑA 2
Venres 20 de maio 15:30 (hora peninsular): ESPAÑA - BÉLXICA, no Ness Ziona Municipal Stadium
Luns 23 de maio 16:30 (hora peninsular): ESPAÑA - SERBIA, no Haberfeld Stadium de Rishon LeZion
Os dous primeiros de grupo accederán a cuartos de final, que se xogarán o mércores 25 e xoves 26 de maio.
Israel, Alemaña, Italia e Luxemburgo (Grupo A), Francia, Países Baixos, Bulgaria e Polonia (Grupo B), Dinamarca, Portugal, Escocia e Suecia (Grupo D) completan a nómina de 16 seleccións que loitan polo título continental.