O canteirán branquiazul Sergio Bernárdez está concentrado coa selección española sub-15 no Torneo Sportchain AGS Cup, competición que se disputa en Alacante durante toda esta semana.
Hoxe mércores, o combinado dirixido por Julen Guerrero tivo como rival na terceira xornada á República Checa, en Alfaz do Pi.
O novo futbolista coruñés foi titular e xogou completo un encontro que se saldou con triunfo español (3-1), con tantos de Aitor Gismera -2- e Ángel Alarcón.
Onte martes, España goleou a Arabia Saudita (0-4) na localidade de Polop; con motivo da segunda xornada. Nesta ocasión, Sergio presenciou o choque desde o banco e non chegou a saltar ao terreo de xogo.
No primeiro partido do torneo disputado o pasado luns, o canteirán branquiazul disputou todo o encontro ante Irlanda do Norte, que acabou con triunfo (1-0) hispano grazas ao gol de Manuel Morán.
A próxima cita para a selección española sub-15 será este venres 7 de decembro ante Rusia (16:00 horas) en Altea.
O calendario de España nesta competición de carácter amigable é o seguinte:
Luns 3 de decembro ESPAÑA 1 - IRLANDA DO NORTE 0
Martes 4 de decembro ARABIA SAUDITA 0 - ESPAÑA 4
Mércores 5 de decembro REPÚBLICA CHECA 1 - ESPAÑA 3
Venres 7 de decembro 16:00: ESPAÑA - RUSIA, en Altea
Domingo 9 de decembro 12:00: ESPAÑA - MÉXICO, en Benidorm
O mediocentro coruñés, que xa estivo citado para as sesións de adestramentos dos meses de outubro e novembro, milita esta temporada no San Tirso SD de División de Honra cadete, en virtude do convenio asinado por ambos os clubs.