Teresa Abelleira, capitá do Deportivo ABANCA, foi citada por España sub-19 para un torneo internacional en Glasgow (Escocia), no que participarán as seleccións clasificadas directamente para a Rolda Elite do Campionato de Europa da categoría.
A centrocampista branquiazul viaxará o vindeiro domingo 30 de setembro a Madrid, unha vez finalice o encontro do Deportivo ABANCA ante o Atlético Arousana, previsto para ese mesmo día ás 13:00 horas no campo Manuel Jiménez de Vilagarcía.
O combinado nacional partirá a Glasgow o luns 1 de outubro, para un torneo con este calendario de partidos, con horario local (unha hora máis en España):
Mércores 3 de outubro
19:00: ESCOCIA - ESPAÑA, no St. Mirren Park (Paisley)
Sábado 6 de outubro
13:00: ESPAÑA - DINAMARCA, no East End Park (Dunfermline)
Martes 9 de outubro
13:00: ESPAÑA - FRANCIA, no McDiarmid Park (St. Johnstone)
Teresa Abelleira, ademais da tamén deportivista Malena Mieres, acábase de proclamar campioa de Europa sub-19 o pasado mes de xullo.
