As xogadoras do Deportivo ABANCA Malena Mieres e Teresa Abelleira viaxan hoxe luns 16 de xullo a Suíza coa Selección Española o Campionato de Europa sub-19, que se celebrará este mes de xullo.
A gardameta e centrocampista branquiazuis levan concentradas na Ciudad del Fútbol de Las Rozas (Madrid) desde o pasado luns 2 de xullo para preparar un torneo no que España defende título.
A competición terá lugar do 18 ao 30 deste mes no país helvético.
O calendario de España, encadrada no Grupo A da primeira fase, é o seguinte:
Mércores 18 de xullo 15:00: ESPAÑA - NORUEGA, no estadio Niedermatten (Wohlen)
Sábado 21 de xullo 18:15: SUÍZA - ESPAÑA, no estadio Herti Allmend (Zug)
Martes 24 de xullo 18:15: FRANCIA - ESPAÑA, no estadio Herti Allmend (Zug)
Os dous primeiros de cada grupo pasan ás semifinais (venres 27 de xullo) e os vencedores á final (luns 30 de xullo).