O partido amigable do Xuvenil A en Abegondo (4-2) ante o Ural CF abriu o pasado mércores o calendario de partidos desta semana en #ANOSACANTEIRA. Foi o preámbulo do encontro estrela da pretemporada para o conxunto de Óscar Gilsanz, a visita do RC Celta a Abegondo prevista para mañá sábado ás 17:00 horas (campo 3).
En competición oficial están o Fabril e o Deportivo ABANCA B. O filial masculino dirixido por Juan Carlos Valerón recibe en Abegondo (domingo 25 de outubro, 12:00 horas) ao UD Paoisaco H. Añón; mentres que o feminino visita en Sanxenxo ao Viajes InterRías FF (mañá sábado 24, 17:00 horas).
Ademais do citado encontro do Xuvenil A ante o Celta, o Xuvenil B de Álex Antón e Aldo Duscher mídese mañá sábado ao CD Calasanz no campo do Monte (San Tirso)
O calendario de partidos, cos resultados dos xa xogados, é o seguinte:
Terceira División
Subgrupo A, 2ª xornada: FABRIL - UD PAIOSACO H. AÑÓN, o domingo 25 de outubro ás 12:00 en Abegondo
Categoría feminina
Primeira Nacional, subgrupo A, 2ª xornada: VIAJES INTERRÍAS FF - DEPORTIVO ABANCA B, o sábado 24 de outubro ás 17:00 no campo Novo San Pedro de Sanxenxo
Categoría xuvenil
Amigable, xogado o pasado mércores: XUVENIL A 4 (Nájera -2-, Do Carmo e Mella) - URAL CF 2
Amigable: XUVENIL A - RC CELTA, o sábado 24 de outubro ás 17:00 en Abegondo (campo 3)
Amigable: XUVENIL B - CD CALASANZ, o sábado 24 de outubro ás 12:00 no Monte
