Valioso empate do Orzán SD Xuvenil Feminino na difícil visita ao Bergantiños CF
O Orzán SD Xuvenil Feminino cultivou un valioso punto (1-1) na sempre difícil visita ao Bergantiños CF, esta vez en partido correspondente á 3ª xornada en Primeira División Autonómica.
Laura Santos adiantou ás orzanistas aos 61 minutos de xogo pero lograron empatar as locais a continuación.
O Orzán SD Xuvenil Feminino márchase das Eiroas con sabor agridoce posto que as súas xogadoras gozaron de ocasións suficientes para traerse para A Coruña os 3 puntos.
Con este resultado, as pupilas dirixidas por César Conde son sétimas na táboa con 5 puntos.
Orzán SD Xuvenil Feminino: Uxía Rabuñal, Noelia Furelos, Daniela Agilda, Uxía López, Antía Brage, Emma Gandoy, Iria Otero, Laura Santos, Macarena González, Lucía Rivas e Noe Gómez. Tamén xogaron: Martina Rivas, Ivana Fernández, Daniela Basalo, Paula Sánchez e Carlota Rubio.
A próxima fin de semana, o Orzán SD Xuvenil Feminino recibe ao CF Noia.
Os resultados até a data do Orzán SD Xuvenil Feminino son os seguintes:
Victoria FC B 1 - Orzán SD Xuvenil Feminino 1 (Elena Vázquez) Orzán SD Xuvenil Feminino 5 (Elena Vázquez, Emma Gandoy, Ana Capelo, Uxía López e Laura Santos) - Atlético Arousana 1 Bergantiños CF 1 - Orzán SD Xuvenil Feminino 1 (Laura Santos)